Søndag 23. mars kl. 11 vert det misjonsgudsteneste i Volda kyrkje! Volda kyrkjelyd samarbeider med NMS, og det er stor stas å vere vertskap for gudstenesta under NMS sitt områdestemne denne våren.
I gudstenesta preikar Silje Sjøtveit, som er leiar for avdeling Frivillighet i Det norske misjonsselskap (NMS). Lokale misjonsforeiningar er med saman med ei gruppe av konfirmantane våre, kantor Bert Handrick og sokneprest Per Kristian Hovden Sætre.
Volda kyrkjelyd har gjennom mange år samarbeidd med NMS om to misjonsprosjekt, eit i Estland og eit på Madagaskar. I gudstenesta får vi høyre meir om arbeidet i Estland.
Gudstenesta er fyrste del av NMS sitt områdestemne for Søre Sunnmøre. Stemnet held fram med middag, årsmøte og årsmøtefest på Kjeldsund leirstad og gjestegard i Herøy. Det kan du lese meir om her.